هل الصداقة تعني انعدام الأحترآم!؟؟

مشاعر لم يرد عليها · 06-10-2008

السلام عليكم ورحمة الله..

طلعت من بيت جدي ولقيت صاحبي قاعد عند بيتهم مع أثنين ما أعرفهم .. سلمت عليهم وقعدت أتكلم مع صديقي .. إلا واحد منهم قاعد يسبني(الشخص هذا ما شفته إلا مره وحدة بحياتي وماكلمته بس سلمت عليه زي هذي المره) .. أنا أتكلم مع صديقي والاخ يسب بدون سبب .. يقول كلمات وصخة لدرجة مو طبيعية يسب فيني وبأهلي وكلام بالعرض يعني قذف وكلام فاحش .. أنا انهبلت وطرطعت وكل شي جاني .. يسبني بدون سبب وهو مايعرفني وانا ما كلمته...
رحت جريت عنده إلا هرب ودخل بيت صاحبي بالحوش وأدخل وراه وأمسكة وأعفط يده وأمسكه من البلوزة وأنا مووولع خلاص أبغى أقتله .. وقعدت أهزئه أقوله أنت وش تحس فيه قاعد تقولي كذا .. أنا حياتي كلها محد يسبني كذا والكل يعرف ما حب ذا الكلام .. والله انا قاعد أهزء وأضربطراخ1 وهو يدمع ويقولي خلاص ماتحس إنك فليتها .. طلع ماعنده ماعند جدتي .. والله وخليته

بعدين جاني يعتذر ويقولي أنا حسبتكـ زي خويي .. ها خويكـ اتقولي كذا.. وهنا يبدأ الموضوع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ

هذا الكلام صحيح .. بين الشباب بالشارع والمدارس هذا الكلام والسب شي طبيعي .. يقول خويي وبينا ميانه .. يسبني في عرضي ويسب أهلي ويقذفني وينعن خيري ويقول صديقي

معقول الصداقة تنزل كرآمة الواحد لهذي الدرجة .. يعني صديقي يتعامل معاي كذا بكل وقاحة وانعدام للأحترام

المفروض الصداقة عكس كذا .. لكن إيش السبب اللي يخلي الناس يفكرو كذا؟؟

هل ينعدم الأحترام وتتلاشى الاخلاق خلف غطاء الصداقة؟؟؟؟؟

************************

أدري إني طولت بس سامحوني لكن هذا الشي منتشر ويقهر

منقووول مثل ماشفتهـ حلو بتعليقااتهـ..

عاشق الحرمان · 06-10-2008

ههههههههههههه

اعذريني ما أضحك إلا بسبب القصه اللي ذكرتيها في البدايه ..

وللأسف هذا هو معنى الصداقه اليومين هذي ..

تخيلي حتى السلام عليكم بدأت تختفي ..

مثلا تطلع من البيت وتمشي في الحاره وتلقى واحد من خويانك ما شافك أمس ..

المشكله مايقول السلام عليكم يارجال وينك أمس أقلقتنا عليك عسى ماشر ..

لاااااا ..

أول ما يشوفك من بعيد يقول الله يلعن أمك وينك أمس ياورع كنا نستناك وفاتك يا ويا ويا ...

طيب صديقي على عيني وراسي ..

لكن تقابلني بهالأسلوب .. بصراحه شي غير مقبول نهائيا ..

واللي يزيد الطين بله ..

يوم تجي تكلم الشخص هذا وتقوله ياخي ليه تسب وتلعن أحترم نفسك ..

وش يكون رده ..؟؟

يرد ويقول .. ياخي إنت صديقي وإلا لا ..؟؟ عادي مافيها شي ولا تزعل ترى ما يزعل من خويانه إلا الورع والرجال اللي يعرف معنى الصداقه ما يزعل ..

شوفوا إلى وين انحطت معاني الصداقه عند كثير من الشباب ..

وقد توصل لأشياء وألفاظ فعلا توصل للعرض أو حركات أعوذ بالله ويوم تفكر بس تزعل يقولك إنقلع إنت زعول وإنت ورع وإنت مو صديق وإنت واللي فيك ما يخطيك ..

الحين بعد ما سبيتني بدل ما تعتذر لي تقوم تقولي هالكلام ..

بصراحه شي محزن والله ..

الله يخلف على الصداقه وأيامها الحلوه ..

أختي مشاااعر مشكوووورة ألف شكر على موضوعك المميز ..

ماشاء الله عليك اليوم داخله مميزه بكل مواضيعك ..

تحياتي لك

عاشق الحرمان

رياااان · 07-10-2008

مشكووووووووره

اختي شعوره على الموضوع المتميز ..

والله ابداعكـ الكل ملاحظهـ ما شاء الله عليكـ

بانتظار جديدكـ ...

رياااانوو ...

رهينة الماضي · 07-10-2008

مشكوووووووووووووووره شعوووره

تسلم يمينك

من جد هذا حركات اغلب الاولاد <<<<<<<<< لاحظو اني اقول اولاد واقول اغلب_ يعني مو الكل

تلقينه يكفخ ويلطش ويسب ولما تجين تشووفين يقوول عاادي كنت امزح ح ح صديقي واموون عليه

موصح ....... والثاني يعزز له اكيد د د

بس لسا شعووره الدنيا بخيرر ولسا فيه صدااقات سااميه

مافيها تعررض للاهانه لذات الشخص او لكرامته ..

تقبلي مدااخلتي

تحياااتي يالغلا

**سجينة عشق** · 07-10-2008

مشاعر

ياعيني عليك وعلى مواضيعك المميزه

وبصراحه هذي صداقه شباب هالايام

والله بالشوارع لاشفتهم وهم يكلمون بعض ويسبون ويقولون كلام وسسخ تلووووع كبدي

اقول بنفسي يعني كيف يرضون على بعض

الله يهديهم ياااارب

ومشكووره ياغاليه على طرحك

يعطيك العافيه

مشاعر لم يرد عليها · 08-10-2008

عشق شق..
ايه نصووم نصووم ونفطر على عسل..

مشكور على المرور وتعليقك في محله..

مشاعر لم يرد عليها · 08-10-2008

رياانوو..

مشكور على الكلام..

يسلمووو ع المرور..

مشاعر لم يرد عليها · 08-10-2008

رهونهـ

يالبى مرورك ويالبى مداخلتك..

نورتي..

مشاعر لم يرد عليها · 08-10-2008

سجوونهـ

أيه شفتي عاااد..

آآآآآآمين..

ثاانكس فور مرورك..

عذبـ السجايا · 08-10-2008

الصديق لو يقدر الصداقه مايرضى لصاحبه
هالكلام انت تجرات وغيرك بيتجرا وهذا
اكبر غلط
الصداقه معاني كثير بابها واسع ماتشمل المذله والاهانه
بلعكس كل معاني الاخوه فيها
الله يعطيك العافيه شعوره
واعذريني ع الجريده اللي حطيتها بصفحتك ههههه

مشاعر لم يرد عليها · 09-10-2008

هلا عذب السجايا..

منورهـ ياقلبي وخذي رااحتكـ..

Crezzy Eyezz · 09-10-2008

والله هذا الشي من زمان ..

و الأشخاص اللي يسبون و يلعنوون تراهم متربين في الشارع ما ظنيت واحد بيسمع الكلام هذا في بيتهم ..

و اتحدى واحد فيهم ركع ركعه وحده .. تلاقون لسانهم وصخ زي وجيهم ..

الصراحه لو يجيني واحد كذا اقص لساانه ..

هم المشكلة ما يعرفوون معنى كلمة اللعن .. يا جماعة الخير معناهاا الطرد من رحمة الله ..

الرسول صلى الله عليه وسلم .. كان يمشي بقافله و كان هناك رجل يريد من ناقته المشي فأبت فلعنهاا الرجل .. فقال عليه الصلاة و السلام .. اتركوووها فإنها ملعونه ..

و الشباب هناا طايحين سب في الأم و الأب و الأهل و العرض و كل شي ..

لا وفيه شي يضحك الصراحه .. تلاقون واحد يسب ام الثاني و الشباب يقولون ترى امه متوفيه .. فيروح يسب ابووه .. ناس ما فيهاا مخ ..

ما أقول الا ان الله يهدي شبابناا و يصلحهم لأنهم و بكل أمانه .. ما تحصل صديق وفي هالأيام الا نااادر ..

مشااعر ..

مشكووووووورة اختي على الموضوع المميز .. خليتيني استرسل فيه الصراحه

..

الله يعطيك العافية ..

... تحيـــــــــــــــــــــــــتــي لــكــ ...

alanaki.ah · 16-10-2008

هذه مصيبة شباب الأيام هذي وحتى البنات بعد

مصيبة وما أحد راضي يفهم تأثيرها السلبي

prophetlover · 17-10-2008

فعلا كثرت هده الظاهرة و صار الشتم بالنسبة لكثير من الشباب شيئ طبيعي
استغفر الله اللهم اهدي شباب المسلمين..........
والله الصداقة مو هيك ..الصداقة اغلى ما في الوجود وهي مبنية على الاحترام المتبادل...............
شكرا على الطرح عجبني الموضوع وايد

تحت المجهر

هل الصداقة تعني انعدام الأحترآم!؟؟